Республиканское общественное объединение
Поиск по сайту
  • Нужно ли детям говорить об их правах?
О нас :: Символика

      Символика Республиканского общественного объединения «Родители и учителя за возрождение православного образования» содержит в себе образ Купятицкой иконы Божией Матери.

ROO_logo     Bozhya_mater     Ikona

     Купятицкая Икона формой своей отличается от всех Чудотворных Икон Божией Матери. Образ представляет собой Крест - незначительных размеров в 12 см длиной и столько же шириной, медного сплава. На одной стороне Креста находится рельефное изображение Пресвятой Богородицы в рост с Младенцем Христом на левой руке, на оборотной стороне - Распятие.        Образ был обретен 15/28 ноября 1182 года недалеко от села Купятичи, расположенного на реке Ясельда при впадении ее в Припять, на Пинщине.
     Основным источником исторических сведений о Купятицкой Иконе до настоящего времени остается сочинение иеромонаха Киево-Печерской Лавры Афанасия Кальнофойского «Тератургима» (слово происходит из греческого «чудо»), изданной в Киеве в 1638 году на польском языке. Как повествeyeт автор указанной работы, шестилетняя девочка Анна, пасшая стадо овец своего отца Василия, заметила как-то раз между деревьями яркий свет. На дереве висел небольшой Крест с изображением на нем Иконы Богоматери. В радости девочка отнесла Крест домой, спрятала его в сундук и возвратилась к стаду. Но на том же месте опять увидела сияние. Анна, думая, что находит другой Крест, положила его за пазуху. Вечером, пригнав стадо домой, она хотела показать отцу бывший у нее Крест, но не нашла его ни у себя, ни в сундуке. Тогда она вместе с отцом пошла на луг, и уже издали они увидели сияние вокруг дерева, на котором явился Крест. Святыня была принесена домой, но на другой день ее снова не оказалось в доме. Пораженные этими событиями, отец и дочь рассказали о них односельчанам, и на указанном месте все узрели Икону-Крест, издававшую дивный свет. Для Иконы, по месту явления названной   Купятицкой,   жители села   под   покровительством Владычицы Небесной построили церковь во имя Введения во храм Пресвятой Богородицы. С этого времени благодать Божия прославила Образ различными чудотворениями.
     В 1240 году храм сожгли татары. Икону посчитали утраченной. Однако Крест по указанию чудесному был снова найден. В конце XV века благочестивый паломник Иоаким на обратном пути из Иерусалима решил посетить обители на Полесье. В сумерках, проходя мимо пожарища, где прежде находилась Купятицкая церковь, он удивлен был несказанным светом, исходившим, как ему показалось, из    земли.    Приблизившись, странник увидел Крест. Жители села Купятичи со священником признали свою Святыню и склонились перед Образом в благоговейной молитве. Вскоре была возобновлена церковь, в которой установили Нерукотворенную Икону. Иоаким, по указанию Богоматери, явившейся ему в сонном видении, отложил свое путешествие и подвизался при храме пономарем.
     В 1629 году в Купятичах возник Свято-Введенский Преображенский православный мужской монастырь, просуществовавший до XIX столетия. О высоком состоянии внутренней жизни основанного Купятицкого монастыря говорят снова начавшиеся совершаться перед Чудотворным Образом чудеса и чествуемые Церковью, вышедшие из стен этой обители Преподобномученики - Афанасий, игумен Брестский (+1648); Макарий Каневский, игумен Пинский (+1678). Преподобномученик Афанасий Брестский называл Купятицкую Икону Божией Матери Величайшей Святыней всей Речи Посполитой.
Образ Богоматери находился в Купятичах до середины XVII веха, пока тамошний монастырь был в ведении православных христиан. Радея об Иконе, чтобы не попала в руки униатов, иноки во главе с наместником, архимандритом Лазарем Барановичем, в 1655 году перенесли ее в Киев. Митрополит Сильвестр Коссов с благоговением принял ранее известный ему Чудотворный Образ и поставил его в Софийский собор.
     Икона Богородицы Купятицкая пользовалась широкой известностью и почитанием среди украинского народа. Но не забывали о своей Святыне и белорусы, в частности, прихожане Купятицкого прихода В середине XIX столетия они выходили с прошением в Святейший Правительствующий Синод о возвращении в Купятицкую Николаевскую церковь из Киево-Софийского собора Купятицкой Чудотворной Иконы Божией Матери. Однако Синод 20 июля 1852 года им в этом отказал. Отказ был мотивирован тем, что Икона «принадлежала не приходской церкви, построенной в 1822 году, а монастырю, ныне уже несуществующему, и перенесена в Киево-Софийский собор не предками просителей, но православными бывшего монастыря монахами 200 лет назад».Ведомо, что в Свято-Софийском соборе Икона пребывала до конца 20-х годов прошлого столетия. Дальнейшая судьба Образа неизвестна.
Ныне в Свято-Николаевской церкви села Купятичи (Пинский район Брестской области) находится точная копия (сделанная в XVII веке) Купятицкой Иконы, которая также славится чудесами. В 2003 году Образ обновился. И, как и прежде, охраняет Полесскую землю Чудотворная Икона Божией Матери Купятицкая.
     Каждый год 15/28 ноября в Свято-Николаевском храме бывает торжественное Богослужение. Для прославления Богородицы Купятицкой стекаются паломники со всей Беларуси.

                                                                                                  По материалам статьи В. Воложиной
                                                                                                      в газете "Брестский курьер"
                                                                                                           №48 - ноябрь 2007

АКАФИСТ ПРЕСВЯТЕЙ БОГОРОДИЦЕ РАДИ ЧУДОТВОРНАГО ЕЯ ОБРАЗА КУПЯТИЦКАГО
 
 Тропарь, гл. 5
 Днесь радостно празднуем память явления Чудотворнаго Образа Твоего в Кресте, Владычице, иже щит явися Веры Православныя, укрепляяй и спасаяй во дни тяжких испытаний с верою притекающих к Тебе. Сице прилежно молимся: Буди всегда наша Заступница!
 
Кондак
 Многими чудесы прослави Господь церковь Купятицкую Твоею Иконою, Богородице: всем бо предстательствуеши, Благая, прибегающим с верою в Священный Твой Покров. Инаго убо неимуще грешнии в бедах и скорбех пристнаго избавления, обремененнии грехми многими, разве Тебе, Мати Бога Вышняго, вопием Ему.
Певчие поют: Да возрадуется душа Твоя о Господе; облече бо Тя в ризу спасения и одеждою веселия одея Тя, яко жениху возложи Ти венец и яко невесту украси Тя красотою.
 
Величание
 Величаем Тя, Пресвятая Дево, и почитаем Образ Твой в Кресте, егоже в Купятицех многими чудесы прославила еси.
 
Кондак 1
 Во образ Святыя Троицы купно со Иоакимом и Анною явилася еси, Богородице, сиянием Лика Твоего в Кресте, светом Божественным блистающася. Отонудуже непрестанно подаеши богатыя милости поклоняющимся Честному Кресту и с любовию взирающим на Образ Твой Святый, темже вопием Ти:
Радуйся, в Кресте Образом Явившаяся, и уповающих на Тя не оставляющая.
 
Икос 1
 Ликуй земле Пинская! радуйтеся и веселитеся православнии людие! се бо является Чудная Икона Богоматере, светом неизреченным сияющи, яже и в явлении отроковицу Анну удиви, и прочее лучами милости Своея озаряти люди Купятицстии избра. Темже, людие, приидите прославим Владычицу и Богородицу, глаголюще:
Радуйся, Ангелов Царице;
Радуйся, всего мира Владычице.
Радуйся, на небеси присно славимая;
Радуйся, и на земли величаемая.
Радуйся, благодать Твою Иконе сей даровавшая;
Радуйся, на спасение людей тую поставившая.
Радуйся, благости Божия скорая Подательнице;
Радуйся, молений наших Усердная Послушнице.
Радуйся, в Кресте Образом Явившаяся, и уповающих на Тя не оставляющая.
 
Кондак 2
 Видевши Волю Твою, Пресвятая Дево, и многая чудесы от Иконы Твоея, вернии людие Купятицстии воздвигоша церковь Честному Кресту; сице и мы с любовию покланяемся Пречистаго Лика Твоего изображению, зовуще Сыну Твоему Христу Богу: Алиллуиа.
 
Икос 2
 Церкви воздвигшейся, вси людие Купятицстии видеша велие чудо: яко явися милость Твоя со слепым, молящим Тебе, Богородице, послати здравие и силу. Сего убо исцеливши, Владычице, не отрини и нас глаголющих Ти:
Радуйся, Икону Твою чудесы украсившая;
Радуйся, немощнаго слепотнаго исцелившая.
Радуйся, моления наши не отвергающая;
Радуйся, надежды благия приемлющая.
Радуйся, Матерния щедроты Твоя на нас изливающая;
Радуйся, Образом Твоим в Кресте нам благодеющая.
Радуйся, о нас грешных к Сыну Твоему Ходатаице;
Радуйся, от всяких бед и искушений Избавительнице.
Радуйся, в Кресте Образом Явившаяся, и уповающих на Тя не оставляющая.
 
Кондак 3
 Чудотворная Твоя Икона, Богородице Дева, источник бе неоскудевающь утешений страждущим от нашествия татарскаго, земли Пинския разорившаго, Сама убо, Всемилостивая, благоволила еси восстати весем и градом от разрушения, да видяще явленную Тобою милость, со умилением вопием Богу: Аллилуиа
 
Икос 3
 О Мати Благая, Богородице Дево, Источниче душевных утешений, в час тяжких испытаний ограждаеши яко Мати чада Твоя честным Твоим Омофором от всяких бед и напастей. Темже и мы, благодаряще за милости Твоя к людем, вопием Ти:
Радуйся, Жизнь Вечную мирови явльшая;
Радуйся, главы змиевой Сокрушителя рождшая.
Радуйся, пленным Забрало;
Радуйся, всем человеком Надежде.
Радуйся, угнетенным Заступнице;
Радуйся, о сирых пред Богом Молитвеннице.
Радуйся, ко Отцу Небесному приводящая;
Радуйся, Матернию Любовь всем простирающая.
Радуйся, в Кресте Образом Явившаяся, и уповающих на Тя не оставляющая.
 
Кондак 4
 Бурю смущений и скорбей по нашествии татар утолити хотяще, благовернии людие взываху к Богу: «Яви нам Твой дар, ягоже человеколюбие Купятицем послал еси нескрываемое сокровище!» Мы же душевную печаль нашу в радость претворити надеющеся, Матерь Его молим: «Отри слезы и утиши рыдания» и, улучивше желаемое, вопием Ему: Аллилуиа.
 
Икос 4
 Положи Господь в сердце паломнику Иоакиму посетити обители Пинския, и егда идяше близ веси Купятицкия, узре свет велий и Честный Крест со Образом Богоматере на месте церкве, татары сожженыя. И абие преклонь колена, прослави Бога и Пресвятую Матерь Его, глаголя:
Радуйся, сподобившая мя видети Образ Твой Святый;
Радуйся, светом Божественым украсившая его.
Радуйся, мене недостойнаго явления Твоего удостоившая;
Радуйся, Волею Сына Твоего на место сие приведшая.
Радуйся, светильник Веры Православныя паки возжегшая;
Радуйся, удела Твоего никакоже оставившая.
Радуйся, слезы и скорби в радость претворившая;
Радуйся, источник милостей Божиих открывшая.
Радуйся, в Кресте Образом Явившаяся, и уповающих на Тя не оставляющая.
 
Кондак 5
 Великую милость показа Господь по скорбех многих паки явлением Купятицкаго Образа Матере Своея в Кресте, скорбящия радостию осиявающаго, заблудшия же на путь делания заповедей Сына Своего наставляющаго. Мы же, православно сию чтуще, вопием Богу: Аллилуиа.
 
Икос 5
 Исходяй Иоаким путем своим и плаваяй по реце Ясельде, в воду низпаде и, чудне спасен быв, возратися в Купятицы, идеже спящу ему предста Пречистая Дева и рече: «Неотступно бех Аз с тобою в путех твоих, молящи Сына и Бога Моего хранити тя от всяких бед. Ныне убо повелеваю ти послужити Мне на месте сем». Пребысть же Иоаким при возставленней церкви, волю Владычицы исполняя, да со всеми вопиет Ей:
Радуйся, лучами Солнца Правды верных осиявшая;
Радуйся, явлением Иконы Твоея вся озарившая.
Радуйся, Спасительнице людей во гресех утопающих;
Радуйся, из пучины греховныя на брег Истины износящая.
Радуйся, в мори житейстем Путеводительнице;
Радуйся, на служении Богу Наставительнице.
Радуйся, укрепление благочестия и Веры Православныя;
Радуйся, даре несокрушимаго в скорбех терпения.
Радуйся, в Кресте Образом Явившаяся, и уповающих на Тя не оставляющая.
 
Кондак 6
 Многими чудесы прослави Господь церковь Купятицкую Твоею Иконою, Богородице. Всем бо предстательствуеши, Благая, прибегающим с верою в священный Твой покров. Инаго убо не имуще грешнии в бедах и скорбех приснаго избавления, обременнии грехми многими, разве Тебе, Мати Бога Вышняго, вопием Ему: Аллилуиа.
 
Икос 6
 Княжна некая умирающи заповеда чадом своим погребсти ю в церкви Купятицстей пред Чудотворною Иконою. Явившися же Пресвятая Иоакиму, повеле ему: «Иди, праведниче, и рцы Волю Мою священнику, да не попустит погребати в церкви княжну ту». Преслушану же бывше повелению, извергошася останки ея от гроба. Тем убо помози нам, Благая, творити Волю Твою, вопиющим Ти сице:
Радуйся, гордых вразумление;
Радуйся, смиренных благословение.
Радуйся, молние, души просвещающая;
Радуйся, громе, соблазняющияся устрашаяй.
Радуйся, окаменение сердечное умягчающая;
Радуйся, хладость душевную благодатию согревающая.
Радуйся, на стези спасения верных наставляющая;
Радуйся, претыкающихся от путей погибельных устраняющая.
Радуйся, в Кресте Образом Явившаяся, и уповающих на Тя не оставляющая.
 
Кондак 7
 Хотящи всем показати велию любовь Твою к людем православным, Богородице, предрекла еси Иоакиму святыя обители Купятицкия создание, яко да возмогут вси страстьми обореваемии обрести под покровом Чудо-творнаго Образа Твоего тихое пристанище ко спасению, и Тобою вспомоществуеми сподобятся наследия Небеснаго и пения со Святыми ко Пресвятей Троице: Аллилуиа.
 
Икос 7
 В чуднем явлении Иоакиму яви Пресвятая хотение Свое: «Зане преслушаша Волю Мою о княжне, отныне вземлется на лет сто милость Моя и чудеса от церкве сия. Обаче приидет время, и послю иныя делатели в виноградник Мой, иже непорочным житием, послушанием, постом и молитвою паки испросят церкви Купятицстей милость исцеления». В нейже благоговейно чтуще Лика Твоего в Кресте изображение, вси Тебе вопием:
Радуйся, праведником Волю Твою открывшая;
Радуйся, за грехи наши милостию нам воздавшая.
Радуйся, Всемилостивая Мати наша, нас не забывающая;
Радуйся, верным скорая Надеждо, всякия скорби избавляющая.
Радуйся, непослушныя в послушание приведшая;
Радуйся, согрешившия вечныя муки изменившая.
Радуйся, Заступнице и Утешение христиан;
Радуйся, Прибежище всех чтущих Тя.
Радуйся, в Кресте Образом Явившаяся, и уповающих на Тя не оставляющая.
 
Кондак 8
 Новая обитель православная, яко светильник в купинах Пинских созидается и сиянием Чудотворныя Купятицкия Иконы Богоматере украшается, темже и твердыня и прибежище угнетенным от латин людем православным бывает, да познают вси, яко с нами Бог, Ему же поем: Аллилуиа.
 
Икос 8
 Се вложи Господь в сердце благочестивыя Аполлонии мысль купити весь Купятицкую и воздвигнути монастырь при церкви Введения Пречистыя во храм, идеже посылаются великия милости Господа Бога Честным Крестом со Образом Царицы Небесныя. И притекоша мнози иноцы в вертоград Пречистыя, яко да трудом, постом, нестяжанием и молитвами прославляют Владычицу, поя Ей таковая:
Радуйся, многих иноков призвавшая;
Радуйся, их подвигами всех удивившая.
Радуйся, дар милости исцеления возвратившая;
Радуйся, Православную Веру укрепившая.
Радуйся, Ангелов Радосте и человеков Славо;
Радуйся, верных Надеждо и обуреваемых Пристанище.
Радуйся, греховныя помыслы всемощно отгоняющая;
Радуйся, братолюбием темную злобу побеждати повелевающая.
Радуйся, в Кресте Образом Явившаяся, и уповающих на Тя не оставляющая.
 
Кондак 9
 Спасти хотящи многия люди от обдержащих их скорбей и болезней и Веру Православную утвердити, всесильное заступление Твое, Владычице, во многих градех и весех на западе Руси явила еси и силу чудотворения Образу Святаго Лика Твоего в Кресте даровала еси, да вси, видяще милость Твою, вопиют со умилением Богу: Аллилуиа.
 
Икос 9
 Новый источник чудес в землех Западныя Руси явися Икона Твоя Купятицкая, Владычице, точащи исцеления всем с верою притекающим: слепии бо прозирают, немии благоглаголиви бывают, глусии слышат, разслаблении возстают, различными недуги и одержимии здрави бывают, беснии демонов свобождаются. Темже славяще Тя, вопием:
Радуйся, в день нарочитый в Купятицех язву укротившая;
Радуйся, от смертоносныя проказы Фому исцелившая.
Радуйся, церковь Твою чудно осветившая;
Радуйся, Ангельское пение в ней благословившая.
Радуйся, едину Марину милостивно возвратившая;
Радуйся, другую Марину от беса свободившая.
Радуйся, от Тимофея недуг отвратившая;
Радуйся, благодарити Бога всех научившая.
Радуйся, в Кресте Образом Явившаяся, и уповающих на Тя не оставляющая.
 
Кондак 10
 Молитвами Пречистыя Богоматере ко Святей Троице явися обитель Купятицкая столп Веры Православныя, яко щитом Чудотворною Твоею Иконою, Владычице, от гордых латин ограждающи, многия иноки на одоление лютых напастей еретических наставила еси. Да видяще являемую Тобою милость, вопиют вси со умилением Богу: Аллилуиа.
 
Икос 10
 Видящи Богомати токи слез и воздыхания людей Русских, от Польских князей притесненных, и осмеяние святынь православных, явилася еси Афанасию иноку Купятицкия обители, иже со слезами моля Тя о помощи и заступлении. Ты же, Владычице, рекла еси ему: «Иди во град Москву, и тамо будет ти защита и поможение». Удивися же Афанасий и возопи: «О Пречистая Богородице, буди со мною!» Ты же: «Иди, и Аз с тобою буду». Темже и мы благодарне вопием Ти:
Радуйся, Афанасия от людей Пинских в Москву пославшая;
Радуйся, неотступно его со диаконом Неемиею провождавшая.
Радуйся, иноков от притеснения избавившая;
Радуйся, явлением Креста Купятицкаго путь указавшая.
Радуйся, силою от Иконы Твоея отрока исцелившая;
Радуйся, Наставнице и Споспешнице иноков верных.
Радуйся, Москву Твоим Образом в Кресте осенившая;
Радуйся, люди Русския на защиту братий благословившая.
Радуйся, в Кресте Образом Явившаяся, и уповающих на Тя не оставляющая.
 
Кондак 11
 Богородице, христианом Ты еси милостивая Услышательница, от конец земли возносящим молитвенныя гласы; немощныя бо укреплявши, печальныя утешавши, страждущия посещавши, гонимыя укреплявши, верным дерзновение подававши; всех притекающих под сень Креста со Образом Твоим ко спасению приводиши, и следуют Искупителю Богу, вопиюще песнь: Аллилуиа.
 
Икос 11
 Столп огненный, Владычице, игумена обители Брестския Афанасия явила еси, укрепляюще его на защищение Православия от безумнаго прельщения латинскаго, иже и лютыя мучения за Веру Православную претерпев, кровию своею землю веси Гершонския обагри. Сего ради не умолкают молитвенныя воздыхания зовущих Ти:
Радуйся, многия иноки в горниле подвигов возрастившая;
Радуйся, игумена Афанасия в час мучения укрепившая.
Радуйся, мученика сего венцем славы украсившая;
Радуйся, в Каневе мученика Макария прославившая.
Радуйся, Богородице, всех верных твердое упование;
Радуйся, Пресвятая, от напастей избавление.
Радуйся, к Сыну Твоему и Богу нашему молитвы верных возносящая;
Радуйся, о всем роде христианстем ходатайствующая.
Радуйся, в Кресте Образом Явившаяся, и уповающих на Тя не оставляющая.
 
Кондак 12
 Благодать Твою не отыми от нас, милости Источниче, якоже во дни тяжких испытаний от лютых агарян и гордых латинян услышала еси стенание и вопль православных людей Западныя Руси и благословила еси верных делателей виноградника Твоего Афанасия и Макария на защиту Веры Православныя, под Омофор Твой воедино землю Русскую совокупившая. Да избавленнии Тобою, воспоим Богу: Аллилуиа.
 
Икос 12
 Видяще великия милости Твоя от лет древних и доныне не оскудевающия, хвалим Тя, Пречистая, яко непрестанную Молитвенницу и Заступницу пред Сыном Твоим и Богом, и Матерную Любовь Твою к право Тя чтущим знающе, со умилением взираем на Святый Образ Твой в Кресте Купятицкий, и вопием Ти:
Радуйся, в огнезрачнем свете в Купятицех Явленная;
Радуйся, многими чудесы прославленная.
Радуйся, люди Русския возлюбившая;
Радуйся, Веру Истинную в них сохранившая.
Радуйся, церковь Купятицкую и ныне благоукрасившая;
Радуйся, всю Церковь Российскую доныне соблюдшая.
Радуйся, неоскудно и ныне милости Твоя низпосылающая;
Радуйся, всех к Тебе прибегающих с любовию приемлющая.
Радуйся, в Кресте Образом Явившаяся, и уповающих на Тя не оставляющая.
 
Кондак 13
 О Всепетая Мати, в Купятицех Святою Иконою Твоею Пребывающая, приими милостивно сие малое моление наше, еже усердно принесохом Ти с верою и любовию, и умоли приснопоклоняемую Троицу помиловати страну нашу, Святую же Церковь Православную в единстве сохранити, и от всяких бед рабы Твоя избавити, о Тебе вопиющия: Аллилуиа.
Сей Кондак глаголи трижды. Последи же Икос 1-й «Ликуй земле Пинская...» и Кондак 1-й «Во Образ Святым Троицы...»
 
Молитва ко Пресвятей Богородице
 О Преблагословенная Владычице, всемощная Заступнице, непостыдное наше Упование!
Приими хвалебное и благодарственное пение нас недостойных раб Твоих, и вознеси молитвы наша ко Престолу Сына и Бога Твоего, да милостив будет неправдам нашим пробавит благость Свою чтущим Всечестное Имя Твое и с верою и любовию поклоняющимся Чудотворному Образу Твоему. Сохрани землю нашу от всякия беды, посли мир людем на земли, собери вся христианы во едино стадо право славящих Бога в Троице Единаго. Утверди нас всех в Вере Христове и в усердии к Церкви Православней. Вложи в сердца наша дух страха Божия, благочестия и смирения. В напастех терпение нам подаждь, во благоденствии воздержание, к ближним любовь, ко врагам всепрощение, в добрых делех преуспеяние. Избави нас от всякаго искушения и от окамененнаго нечувствия. В страшный день Суда сподоби нас ходатайством Твоим стати одесную Сына Твоего Христа Бога нашего. Емуже подобает всякая слава, честь и поклонение со Отцем и Святым Духом, ныне и присно и во веки веков. Аминь.
                                                                                            Купятицкая Свято-Николаевская церковь
                                                                                                                        2006 год 

Ваш комментарий

Присоединяйтесь:
220121, г. Минск, ул. Притыцкого, 65,
Тел/факс; (017)254-79-58,
www.orthoobraz.by, e-mail: orthoobraz@mail.ru